Студэнцкая навукова-даследчая лабараторыя "Эканаміст-міжнароднік" была створана ў 2010 годзе пры кафедры міжнародных эканамічных адносін факультэта міжнародных адносін Беларускага дзяржаўнага ўніверсітэта.
План работы |
Публікацыі СНДЛ |
Мэтай дзейнасці СНДЛ "Эканаміст-міжнароднік" з'яўляецца актывізацыя навукова-даследчай і навукова-практычнай работы студэнтаў і магістрантаў аддзялення "Сусветная эканоміка".
Задачы студэнцкай навукова-даследчай лабараторыі:
- фарміраванне навуковага светапогляду ў студэнтаў;
- засваенне сучасных навыкаў навукова-даследчай дзейнасці ў галіне эканамічнага аналізу і прагназавання функцыянавання сусветнай эканомікі;
- аналіз звестак нацыянальнай і міжнароднай статыстыкі, маніторынг эканамічнай інфармацыі з замежных крыніц;
- садзейнічанне ў прадстаўленні студэнцкіх навуковых работ для ўдзелу ў конкурсах, алімпіядах, суісканні імянных стыпендый, прэмій, грантаў;
- садзейнічанне ў апублікаванні і ўкараненні ў практыку вынікаў ажыццяўлення даследчых праектаў.
Асноўныя навуковыя напрамкі работы СНДЛ:
- міжнародны гандаль і міжнародны рух капіталу;
- цыфрызацыя сусветнай эканомікі;
- міжнародны абмен інфармацыяй і тэхналогіямі;
- міжнародныя эканамічныя інтэграцыйныя працэсы;
- міжнародныя фінансавыя і інвестыцыйныя працэсы ў сусветнай эканоміцы;
- маніторынг і аналіз дадзеных міжнароднай эканамічнай статыстыкі.
Асноўныя напрамкі дзейнасці, якая праводзіцца ў рамках СНДЛ:
- арганізацыя і правядзенне ўласных конкурсаў;
- правядзенне індывідуальнай або калектыўнай навукова-даследчай работы, у т.л. з прыцягненнем грантаў, з наступнай публікацыяй вынікаў і іх апрабацыяй на канферэнцыях і круглых сталах;
- практыка-арыентаваная навуковая дзейнасць у супрацоўніцтве з арганізацыямі/кампаніямі ў сферы сусветнай эканомікі і міжнароднага бізнесу.
Асноўныя публікацыі ў рамках СНДЛ:
- публікацыі артыкулаў у выданнях ўзроўню ВАК
- публікацыі ў зборніку навуковых артыкулаў «Лепшыя працы студэнтаў «НДРС ФМА»
- публікацыі ў зборніку артыкулаў Студэнцкай навуковай рады факультэта міжнародных адносін БДУ
- публікацыі ў зборніку навуковых артыкулаў студэнтаў, магістрантаў, аспірантаў
- публікацыі ў зборніку навуковай канферэнцыі студэнтаў і аспірантаў факультэта міжнародных адносін БДУ.
Мерапрыемствы, якія праводзяцца па ініцыятыве і непасрэдным удзеле СНДЛ:
- Адкрытая алімпіяда БДУ па сусветнай эканоміцы
Мерапрыемства праводзіцца з 2017 года пры падтрымцы арганізацый-партнёраў. Алімпіяда праводзіцца пры падтрымцы Нацыянальнага Банка Рэспублікі Беларусь. Алімпіяда праводзіцца ў рамках студэнцкай і школьнай лігі. Спаборніцтва ў студэнцкай лізе арганізоўваецца ў камандным і індывідуальным заліках. У студэнцкай лізе могуць узяць удзел студэнты 2-5 курсаў і магістранты спецыяльнасцяў эканамічнага профілю любой формы навучання беларускіх і замежных устаноў вышэйшай адукацыі. У школьнай лізе – навучэнцы 10-11 класаў устаноў сярэдняй адукацыі. У камандным заліку ў студэнцкай лізе плануецца вырашэнне бізнес-кейса ад аднаго з генеральных партнёраў алімпіяды. У індывідуальным заліку – напісанне эсэ на прапанаваную тэму. У школьнай лізе прадугледжана рашэнне бізнес-кейса ад аднаго з генеральных партнёраў у галіне сусветнай эканомікі і індывідуальны ўдзел кожнага члена каманды ў фінансавай гульні і вырашэнні анлайн-тэсту па эканоміцы.
Конкурсы, у якіх удзельнічаюць члены СНДЛ:
- Міжнародная алімпіяда па італьянскай мове "Universiadi della lingua italiana 2024" ад ANILS (Associazione Nazionale Insegnanti Lingue Straniere).
- Трэці міжнародны студэнцкі конкурс прафесійна арыентаванага перакладу ад Акадэміі прафесійнага перакладу МДІМЗ МЗС Расіі.
- Рэспубліканскі конкурс эсэ-работ "Хачу быць дыпламатам 2024" ад Міністэрства замежных спраў;
- Дыпламатычныя чытанні Факультэта міжнародных адносін БДУ;
- Навуковая канферэнцыя студэнтаў, магістрантаў, аспірантаў ФМА БДУ;
- Міжнародная навукова-практычная канферэнцыя маладых вучоных «Роля маладых вучоных у развіцці навукі;
- Школа маладога вучонага;
- Навукова-практычная канферэнцыя маладых вучоных факультэта міжнародных адносін "Міжнародныя адносіны: гісторыя, тэорыя, практыка";
- Фестываль навукі;
- Рэспубліканскі форум маладых аналітыкаў;
- Палітычны кейс-чэмпіянат "БРІКС+: перспектывы супрацоўніцтва ў парламенцкім вымярэнні";
- Міжнародны конкурс эрудытаў па сусветнай эканоміцы "Сусветная эканоміка: сучасныя тэндэнцыі развіцця";
- Рэспубліканскі конкурс моладзевых аналітычных праектаў
- Мінская Мадэль ШАС;
- Еўразійская моладзевая праектная школа
Прафарыентацыйная праца са школьнікамі ў рамках СНДЛ:
- Адкрытая алімпіяда БДУ па сусветнай эканоміцы: студэнцкая ліга
- Міжнародная алімпіяда па эканоміцы для школьнікаў
Кіраўнік СНДЛ: Кісялевіч Анастасія Ігараўна, Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. вул.Ленінградская, 20, каб.1116.
