Арабская мова – адна з найбольш распаўсюджаных у свеце, на якой штодня размаўляюць 400 мільёнаў чалавек. З 2012 года Сусветны дзень арабскай мовы адзначаецца штогод 18 снежня. Менавіта ў гэты дзень у 1973 годзе Генеральная Асамблея ААН прагаласавала за тое, каб арабская мова стала шостай афіцыйнай мовай Арганізацыі.

У гэты дзень студэнты-арабісты факультэта міжнародных адносін (спецыяльнасцей "Міжнародныя адносіны", "Міжкультурная камунікацыя", "Лігвакраіназнаўства", "Усходазнаўства") і выкладчыкі кафедры ўсходазнаўства сабраліся разам, каб адсвяткаваць Міжнародны дзень арабскай мовы, паўдзельнічаць у віктарыне на веданне арабскай мовы і яе дыялектаў, пагутарыць на арабскай і пагуляць у шарады.