Па ініцыятыве кафедры англійскай мовы эканамічных спецыяльнасцей у рамках дамовы аб супрацоўніцтве адбылася сустрэча студэнтаў ФМА БДУ з навучэнцамі 10-х класаў ДУА "Гімназія № 32 г. Мінска". Прафарыентацыйнае мерапрыемства адбылося 16 снежня 2021 года.

Мэта выязнога мерапрыемства – аказанне прафарыентацыйнай падтрымкі вучням у працэсе выбару сферы будучай прафесійнай дзейнасці. Хто, як не самі студэнты, могуць расказаць пра сваё студэнцкае жыццё і пра месца вучобы ва ўсіх фарбах і дэталях.

У мерапрыемстве, праведзеным пад кіраўніцтвам старшых выкладчыкаў кафедры Шурко С. А., Гіцкой А.П., Салавей А.М., прынялі ўдзел студэнткі 2 курса спецыяльнасці «Менеджмент у сферы міжнароднага турызму» Вербянец Юліана, спецыяльнасці "Сусветная эканоміка" Алейнік Лізавета і студэнтка 1 курса спецыяльнасці "Лінгвакраіназнаўства" Ярашчук Марыя.

Студэнткі расказалі аб перавагах, якія дае навучанне на факультэце міжнародных адносін, увялі ў курс справы аб актуальных прахадных балах для паступлення на кожную спецыяльнасць, аб прадметах, якія трэба здаваць на цэнтралізаваным тэсціраванні, і аб тым, кім яны стануць пасля заканчэння вучобы. Навучэнцам было цікава даведацца пра студэнцкае жыццё і пра студэнцкія арганізацыі. Жывую цікавасць выклікалі відэаматэрыялы з самых маштабных мерапрыемстваў студэнцкага саюза: "Вялікія гонкі", "Капустнік", "Міс і містэр ФМА". Напрыканцы сустрэчы навучэнцам гімназіі пажадалі паспяховай вучобы і лёгкага выбару будучага месца атрымання адукацыі!

Вербянец Юліана, 2 курс, спецыяльнасць "Менеджмент у сферы міжнароднага турызму"
Алейнік Лізавета, 2 курс, спецыяльнасць "Сусветная эканоміка"
Ярашчук Марыя, 1 курс, спецыяльнасць “Лінгвакраіназнаўства”