Студэнты ФМА, якія вывучаюць італьянскую мову, і выкладчыкі секцыі італьянскай мовы прынялі актыўны ўдзел у XVIII Тыдні італьянскай мовы ў свеце, арганізаванай Пасольствам Італіі ў Беларусі з 22 па 26 кастрычніка 2018 г. Сёлетняя тэма — «Італьянская мова і Інтэрнэт, Інтэрнэт для італьянскай мовы».
Праграма Тыдня ўключала паказы фільмаў вядомага італьянскага рэжысёра Паола Джэнавезе "Ідэальныя незнаёмцы" (22 кастрычніка) і "Няспелыя" (26 кастрычніка).
У МДЛУ 25 кастрычніка адбылася лекцыя прафесара Анналізы Брыкезэ з універсітэта «Ка Фаскары» (г. Венецыя) на тэму: "Роля Інтэрнэту ў навучанні італьянскай мове за мяжой". На лекцыі быў прадстаўлены агляд інтэрнэт-рэсурсаў па вывучэнні італьянскай мовы, а таксама адбылося абмеркаванне ролі Інтэрнэту ў працэсе выкладання італьянскай мовы як замежнай.
У рамках тыдня прайшла I гарадская Алімпіяда па італьянскай мове, дзе прынялі ўдзел студэнты з розных універсітэтаў Мінска, у тым ліку студэнты ФМА. Узнагароды пераможцам уручыў Пасол Італіі ў Беларусі Марыё Бальдзі. Галоўны прыз пераможцу — паездка ў Італію. Студэнтка 2 курса ФМА спецыяльнасці "Міжнародныя адносіны" Лізавета Дондыш заняла ганаровае 3 месца.
Удзел у мерапрыемствах Тыдня італьянскай мовы быў, несумненна, карысным для студэнтаў, як з пункту гледжання практыкі мовы, так і для больш глыбокага знаёмства з жыццём сучаснай Італіі.
